Green Card'ga o'zbek tilida ro'yxatdan o'ting — qolganini biz qilamiz

Rasmiy sayt faqat ingliz tilida, bitta xato esa anketani bekor qiladi. Siz ona tilingizda savollarga javob berasiz — biz anketani to'g'ri to'ldirib topshiramiz, rasmni talabga moslaymiz va natijani kuzatib boramiz.

📝 Saytda ro'yxatdan o'tish ✈️ Telegram bot orqali
✅ Tasdiq raqami har doim sizga beriladi 📸 Rasm DV talabiga moslanadi 🔔 Natija chiqqanda o'zimiz xabar beramiz

Qanday ishlaydi

1

Anketa

Saytda yoki Telegram botda o'zbek tilida savollarga javob berasiz, rasmlarni yuklaysiz. ~10 daqiqa.

2

Shaxsiy raqam

Sizga GY bilan boshlanadigan shaxsiy raqam beriladi. U bilan profilingizga kirasiz.

3

To'lov

Ro'yxat ochilgach kartaga o'tkazasiz va chekni yuklaysiz. Ro'yxat ochilmaguncha hech narsa to'lamaysiz.

4

Topshirish

Mutaxassisimiz anketani rasmiy saytga topshiradi. Tasdiq raqami profilingizga va Telegramga yuboriladi.

5

Natija

Natijalar chiqqanda agentimiz har bir anketani tekshiradi. Yutsangiz — profilingizda va Telegramda darhol bilasiz! 🎉

6

Keyingi bosqich

Yutganlarga DS-260 anketasi va intervyuga tayyorlanishda yordam beramiz.

Narxlar

Rasmiy davlat yig'imi ($1) narxga kiritilgan. Yashirin to'lovlar yo'q.

Nimalar kerak

  • Amaldagi xorijga chiqish pasporti — asosiy ishtirokchi uchun majburiy, istalgan davlatniki. O'zbekiston fuqarolari uchun bu qizil pasport (ID-karta va eski yashil pasport qabul qilinmaydi). DV-2027 dan boshlab pasportning ma'lumot sahifasi rasmi ham yuklanadi.
  • Rangli rasm — har bir oila a'zosi uchun: oq fon, oldindan, ko'zoynaksiz, so'nggi 6 oyda olingan
  • Turmush o'rtog'ingiz va 21 yoshgacha bo'lgan barcha turmush qurmagan farzandlaringiz ma'lumotlari — AQShga bormaydiganlari ham!
  • Tug'ilgan shahar, manzil, telefon
  • Ma'lumot: kamida o'rta maktab (11 yil) yoki 2 yillik malakali ish tajribasi

⚠️ Halol ogohlantirish

Biz AQSh hukumati emasmiz va unga aloqamiz yo'q. Rasmiy sayt — dvprogram.state.gov, u yerda o'zingiz ham $1 ga topshirishingiz mumkin.

Hech kim yutish ehtimolini oshira olmaydi. Biz faqat anketaning xatosiz va o'z vaqtida topshirilishini ta'minlaymiz. Tasdiq raqami (Confirmation Number) har doim sizga beriladi.

Ko'p beriladigan savollar

Ro'yxat qachon ochiladi?

2025-yilda o'tkazilmay qolgan DV-2027 lotereyasini AQSh sudi 2026-yil 14-oktyabrda ochishga majbur qildi: ro'yxat 1-noyabrgacha ochilib, 30 kun davom etishi, natijalar esa 3-dekabrgacha e'lon qilinishi kerak. Aniq sanani rasmiy sayt e'lon qiladi. Anketangizni hozir qabul qilamiz va navbatga qo'yamiz; ro'yxat ochilgan kuni Telegram orqali xabar beramiz — to'lov ham faqat o'shanda.

DV-2027 va DV-2028 farqi nima?

Hozir ochilayotgani — DV-2027. Yutganlar vizani 2027-yil 30-sentabrgacha olishi kerak, shuning uchun hammasi tez bo'ladi. DV-2028 sanalari hali e'lon qilinmagan — u alohida o'tkaziladi va biz unga ham ro'yxatdan o'tkazamiz.

Boshqa davlat fuqarolari ham ro'yxatdan o'ta oladimi?

Ha. Qatnashish huquqi fuqarolikka emas, tug'ilgan davlatga bog'liq. Qozog'iston, Qirg'iziston, Tojikiston, Turkmaniston, Afg'oniston, Rossiya va boshqa ko'plab davlatlarda tug'ilganlar qatnasha oladi — istalgan davlat pasporti bilan. Qatnasha olmaydiganlar: Hindiston, Pokiston, Bangladesh, Xitoy, Janubiy Koreya, Filippin, Vyetnam, Braziliya, Meksika, Kanada, Buyuk Britaniya va yana bir nechta davlatda tug'ilganlar (turmush o'rtog'i qatnasha oladigan davlatda tug'ilgan bo'lsa — istisno). Anketada buni avtomatik tekshiramiz.

Qaysi pasport kerak — yashilmi yoki qizil?

Faqat qizil (xorijga chiqish biometrik) pasport. 2026-yil 11-apreldan kuchga kirgan AQSh qoidasiga ko'ra, DV-2027 dan boshlab anketaga amaldagi, muddati o'tmagan pasport raqami kiritiladi va uning ma'lumot sahifasi rasmi yuklanadi. O'zbekistonda 2021-yildan beri chet elga faqat qizil pasport bilan chiqiladi, shuning uchun ID-karta yoki eski yashil pasport to'g'ri kelmaydi. Qizil pasportingiz bo'lmasa, uni Davlat xizmatlari markazidan olishingiz mumkin. Turmush o'rtog'ingiz alohida qatnashsa (Oilaviy tarif), unga ham qizil pasport kerak.

Er-xotin alohida qatnashsa bo'ladimi?

Ha. "Oilaviy" tarifda ikkalangiz uchun alohida anketa topshiramiz — har biringiz boshqasini anketaga yozasiz. Qaysi biringiz yutsangiz ham, butun oila boradi.

Nega rasm shuncha muhim?

Anketalar bekor bo'lishining eng ko'p sababi — talabga javob bermaydigan rasm. Biz rasmni o'lcham (600×600) va hajm (240 KB) bo'yicha avtomatik moslaymiz, mutaxassisimiz esa fon va yuz holatini qo'lda tekshiradi.

Natijani qanday bilaman?

Natijalar e'lon qilingan kuni (DV-2027 uchun sud qaroriga ko'ra — dekabr boshigacha). Agentimiz tasdiq raqamingiz bilan rasmiy saytda tekshiradi: yutsangiz, profilingizda "Yutdingiz!" xabari chiqadi va Telegramga ham yuboriladi. Tasdiq raqamingiz bilan o'zingiz ham tekshira olasiz.

Bir kishi ikki marta topshirsa nima bo'ladi?

Bir mavsumda bir kishidan bittadan ortiq anketa bo'lsa, hammasi bekor qilinadi. Shuning uchun boshqa joyda topshirgan bo'lsangiz, bizga ayting.